2007ko Gizonezkoen Munduko Eskubaloi txapelketa Gizonezkoen Munduko Eskubaloi txapelketaren 20. edizioa izan zen. 2007ko urtarrilak 20 eta otsailak 4 artean ospatu zen, Nazioarteko Eskubaloi Federakuntzak eta Alemaniako Eskubaloi Federakuntzak antolatuta.
24 herrialdek parte hartu zuten txapeldun bihurtzeko asmoz. Espainiako Eskubaloi selekzio nazionala zen titulua defendatzen zuena, 2005eko Gizonezkoen Munduko Eskubaloi txapelketako garaile bezala. Txapelketa honetako maskota ofiziala "Hanniball" urtxintxa da.